This is Video about '著名攝影師周家豪用NOKIA 808 PureView影相'
 |
| Video Youtube |
人不想成長，怕現實會慢慢磨蝕心中理想。現實與理想的平衡，總係成為向前衝嘅絆腳石，80後攝影師──周家豪亦不例外。曾經因為現實生活放棄了藝術工作，由熱愛畫畫到近年開始拾起相機，用鏡頭代替畫筆，創作出一個又一個富故事性的畫面。
由畫畫嘅興趣，演變成攝影，全因為想表達自己嘅諗法，加埋兩位老前輩嘅啟蒙，周家豪重新認定自己嘅目標。「攝影對我嚟講，唔單止係個capture moment，而係個表達自己嘅媒介，本身寫作唔叻，畫畫又冇耐性。去到大學嘅時候，好有運咁，跟咗李志超老師同朱德華老師，兩位好有經驗嘅老前輩學嘢，自然地培養咗攝影嘅興趣。」
因為一次嘅自我反省，引發出靈感，影咗輯認真有深度名為「Hero」嘅作品，同時亦令佢喺攝影界出現了機會。
「其實每個男仔細個都會鍾意英雄人物，我覺得香港都應該要有英雄，無奈地我哋心目中崇拜嘅英雄永遠只有入口， 香港作為一個殖民地，習慣咗崇拜入口貨。我想將英雄帶嚟香港，就算自己遇到困難，都可以有英雄為自己發聲。」
近年已經多咗好多平台，無論係facebook定其他social network俾我哋去發聲，只需1部手機，影完相即可以share出去，某程度上已經可以取代相機拍低生活點滴，但對１個攝影師嚟講，就有其他睇法。
「我諗Nokia 808呢部手機，對我嚟講似部相機多過手機，今次手機嘅spec 係非常得人驚嘅，有4,100萬像素嘅sensor，Carl Zeiss鏡頭，對於１個攝影師嚟講，會係令到你發癲， 而PureView 嘅功能，可能將張相濃縮到500萬像素，share 嘅時候，速度就快好多，出嚟嘅quality 都有3,800萬像素一樣，係冇變嘅。就好似揸住部半專業嘅相機一樣，連white balance都可以校，加埋內置唔同嘅filters ，影相都得心應手。
後記
「自己都係好新嘅攝影師，藝術層面嚟講咩都唔係，好新嘅人，但我相信堅持，keep 住做，唔好得個講字，我覺得１個人對某樣嘢有堅持，唔一定係攝影嘅，其他嘢都好啦，係要放棄一啲嘢嘅，係需要投放俾其他人更多時間，先可以得到回報。」
好一個堅持，共勉之。
 |
| 著名攝影師周家豪用NOKIA 808 PureView影相 |
No comments:
Post a Comment